Жалған ақша жасаумен айналысқан қылмыстық топты ұстау операциясы қыркүйек айында жүргізілген. Тұтқындалғандардың үшеуі бұдан бұрын істі болған азаматтар. Қазіргі кезде тергеу амалдары аяқталып, іс сотқа жіберілді. Бұл туралы Алматы қалалық экономикалық тергеу департаментінің баспасөз қызметі хабарлады.
"Цехтен ноутбуктер, түрлі түсті суретті басып шығаратын құралдар, ультракүлгін шам, ламинатор, бояу құйылған құтылар, флэш-тасымалдаушылар және 308 000 теңге көлемінде жалған ақша табылды. Қылмыстық топ 500 және 5000 теңге номиналындағы ақшаны қолдан жасаумен айналысқан",– дейді экономикалық тергеу департаментінің баспасөз қызметі.
Бұл дерек бойынша ҚР ҚК 231-бабының 2-бөлімі негізінде қылмыстық іс қозғалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
