Бұл туралы Өңірлік коммуникациялар қызметінде өткен брифинг барысында Алматы қалалық Жұмыспен қамту орталығының директоры Сағындық Кенжебаев мәлім етті, деп хабарлайды inbusiness.kz.
"19 қазан күні сағат 11:00-де Арбатта жалпықалалық бос жұмыс орындары жәрмеңкесі өтеді деп жоспарлануда. Шараға қаланың 150-ден астам кәсіпорны қатысады деп күтілуде. Осы мүмкіндікті пайдалана отырып, жұмыс іздеп немесе қызметкер тапқысы келетіндердің барлығын жалпықалалық бос орындар жәрмеңкесіне қатысуға шақырғым келеді", – деді спикер.
Барлық қызықтыратын сұрақтар бойынша Жұмыспен қамту орталығына хабарласуға болады.
"Азаматтарға ыңғайлы болу үшін қабылдау "бір терезе" жүйесі бойынша жүзеге асырылады. Сондай-ақ өзіне-өзі қызмет көрсету аймағы бар, онда интернетке кіру мүмкіндігі бар компьютер беріледі. Мекен-жайымыз: Достық даңғылы, 85, "Әлеуметтік қызмет көрсету үйі"", – деп нақтылады Жұмыспен қамту орталығының директоры.
Айта кететіні, бүгінгі күні жұмыс берушілер электронды еңбек биржасына 4306-дан астам бос жұмыс орындарын орналастырған. Жыл басынан бері 25 221 адам жұмысқа орналасса, оның 13 343-і тұрақты, 11 878-і уақытша еңбекпен қамтылды.
Сондай-ақ спикер азаматтардың жекелеген санаттарын квота бойынша жұмысқа тарту көзделетінін жеткізді. Оның ішінде мүгедектер – 2171, тұрақты жұмыс орындарына – 223, пробация қызметі мен бас бостандығынан айыру орындарында есепте тұрғандар – 23, жетім балалар – 2, әйелдер – 12815 , жастар – 8768, алимент бойынша берешегі бар азаматтар – 15.
