Алматыда 2026 жылдың алғашқы алты айында 274 демалыс күнгі жәрмеңке ұйымдастырылды, деп хабарлайды inbusiness.kz сайты.
Жәрмеңкелерге осы уақыт ішінде 500 мыңнан астам қала тұрғыны мен қонағы келіп, фермерлер әлеуметтік маңызы бар азық-түлікті қоса алғанда, 13 мың тоннаға жуық өнімін сатты.
Қазіргі таңда жәрмеңкелер қаланың бес ауданында тұрақты түрде өткізіледі. Сауда орындарында Алматы қаласы, Алматы облысы және еліміздің басқа өңірлерінен келген 300-ден астам фермерлік шаруашылық пен өндіруші өз өнімдерін делдалсыз ұсынады.
Тұрғындарға қолжетімді бағамен 1000-нан астам тауар түрі қолжетімді. Сонымен қатар "Алматы" ӘКК сауда алаңдарын жаңғыртып, сатушылар мен келушілерге қолайлы жағдай жасауды жалғастырып келеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
