Қазақстан хоккей федерациясы Алматыда өтеді деп жоспарланған халықаралық турнирді өткізбейтіндерін ресми мәлімдеді, деп хабарлайды Inbusiness.kz сайты.
"Сеймологиялық жағдайға, сонымен қатар қатысушы-командалар мен көрермендердің қауіпсіздігін қамтамасыз ету мақсатында Қазақстанның хоккей федерациясы басшылығы тарапынан 2024 жылдың 1 және 4 ақпаны аралығында Алматыда өтеді деп жоспарланған Eurasia Jastar Cup турнирін өткізбеу туралы шешім қабылданды. Турнирдің кейінірек мерзімге ауыстырылуы жөнінде қосымша хабарланады. Барлық жанкүйерлерге қолдау үшін алғыс білдіреміз, сатып алынған барлық билеттер қайтарылады", - делінген Қазақстан хоккей федерациясының мәлімдемесінде.
Еске салсақ, 23 қаңтарда түнде Алматыда жер сілкінісі болып, халық жапатармағай көшеге ұмтылған болатын.
