Жол қозғалысын реттеудің техникалық құралдарын қалпына келтіру жұмыстарын 13 бригада жүргізуде, деп хабарлайды Inbusiness.kz Алматы қаласы комендатурасына сілтеме жасап.
"Жалпы, 46 бағдаршам нысаны зақымданды. Оның 38-і жөнделді. Сондай-ақ 120 жол белгілері бүлінген, олардың 96-сы қалпына келтірілді. Көше-жол желісі бойынша қалпына келтіру жұмыстарын 4 жол бригадасы бастады. Кеше 90 шаршы метр төсем, 120 метр жиек және 37 люг қалпына келтірілді. Тас төсемді қалпына келтіруді 13 қаңтарға дейін аяқтау жоспарда", – деп жазылған хабарламада.
Сонымен қатар, аялдамалар да бүлінген.
"Барлығы 43 аялдама қирады. Оның 17-сінің әйнектері түгел сынған. Жеке компаниялар да қалпына келтіруге кірісті, бүгінде 2 павильон жөнделді. Жұмыстар жалғасуда. Сонымен қатар, алдын ала есептеулер бойынша 100-ге жуық велосипед жоғалған, 220-сы жөндеуді қажет етеді", – деп хабарлады ақпараттық орталық.
Құралай Құдайберген
