Алматыда автобус апатқа ұшырап, 16 адам жарақат алып, бір адам қаза тапты.
Полиция мәліметінше, адам өліміне әкелген апат бойынша қылмыстық іс қозғалып, тиісті сараптамалар тағайындалды.
"Жол-көлік оқиғасы бүгін сағат 14:20 шамасында Алматының Алмалы ауданында болды. Алдын ала мәлімет бойынша, "Kia" көлігінің жүргізушісі Мақатаев көшесімен оңтүстік бағытта өтіп бара жатып, "Сity-Bus" ЖШС жеке тасымалдаушысы қызмет көрсететін 18-ші бағыттағы қоғамдық көлікпен соқтығысып, артынша кедергіге соғылған", - деп хабарлады ведомстводан.
Төтенше жағдай болған жерге бірнеше жедел жәрдем көлігі жеткен.
Алматы қалалық полициясы апатқа қатысты ақпарат жинақталып жатқанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
