Алматыда жыл басынан бері 132 мың адам әлеуметтік көмек алды

Алматыда жыл басынан бері 132 мың адам әлеуметтік көмек алды

31 Тамыз 2021 18:20 321

Алматыда жыл басынан бері 132 мың адам әлеуметтік көмек алды

2021 жылы қаладағы әлеуметтік осал топтағы азаматтарды қолдауға 30 млрд теңге бөлінді, оның 14 млрд теңгесі жұмсалды. 

 

Бұл мәліметтерді Алматы қалалық Әлеуметтік әл-ауқат басқармасының басшысы Назира Тоғызбаева Өңірлік коммуникациялар қызметіндегі баспасөз конференциясы барысында айтты, деп хабарлайды inbusiness.kz.

Назира Тоғызбаеваның айтуынша, жыл басынан бері 132 мың алматылық әлеуметтік қолдау алды. Ол көмек "Еңбек" мемлекеттік бағдарламасы аясында көрсетіліп жатқанын, аз қамтылған азаматтарға, мүгедектерге қолдау көрсетілетінін еске салды. Сонымен қатар, әлеуметтік жобалар іске асырылуда және еңбек қатынастары саласында мемлекеттік бақылау жүргізілуде.

Спикердің сөзінше "Еңбек" бағдарламасы аясында жыл соңына дейін 13,8 млрд бөлінді. Бұл қаражат 24 мыңнан астам адамға жетуге көмектеседі.

"Ағымдағы жылдың 7 айында Жұмыспен қамту орталығына 27 мың адам жүгінген. 19 700 адам жұмыспен қамтуды қамтамасыз ету бойынша белсенді шараларға тартылды, 17 900 адам жұмысқа орналастырылды", - деді басқарма басшысы.

Тұрақты жұмыспен қамтылғандардың ішінде мегаполистің 8 700 тұрғыны бар, тағы 9 200 адам уақытша жұмыспен қамтылды, 1 100 адам қазір әлеуметтік жұмыс орындарында жұмыс істейді, 1 500 үміткер жастар практикасына жіберілді. Білім беру ұйымдарының тағы 800 түлегін жұмысқа орналастыру жоспарлануда. 6 600 адам қоғамдық жұмыстарға жіберілді.

Назира Тоғызбаеваның айтуынша жас түлектердің бәсекеге қабілеттілік деңгейі төмен. Сондықтан қалада жастарға қажетті жұмыс дағдыларын алуға және жұмысқа бейімделуге көмектесуге бағытталған "Бірінші жұмыс" жобасы іске қосылды. Жоба аясында 116 адам жұмыспен қамтылған.

Басқарма басшысының айтуына биыл 757 алматылық 200 айлық есептік көрсеткіш көлемінде грантқа ие болып, өз бизнесін жүзеге асыруға 583 мың теңге алған. Кәсіпкер болғысы келетіндер негізінен тігін, аспаздық, маникюр, шаштараз және басқа да қызметтер бойынша жеке істерін аша алады.

Ұқсас материалдар:

okushylar-men-zhasospirimderdi-kandaj-kompyuterlik-ojyn-kyzyktyrady

kazakstanga-resejden-keletin-importtyk-tauarlardyn-kolemi-26-osti

6-ajda-aleumettik-tolemderdi-tagajyndau-bojynsha-389-myn-kyzmet-korsetilgen

covid-19-ga-shaldykkan-1-791-adamnyn-zhagdajy-auyr-zhagdajy-kalaj

trektegi-velosporttan-kazakstan-zhasospirimder-komandasy-alem-chempionatyna-katysady

загрузка

×