Мегаполисте жыл басынан бері қызылшамен ауырған 28 адам тіркелген. Бұл туралы көрсетілетін қызметтердің сапасы мен қауіпсіздігін бақылау департаментінің басшысы Айзат Молдагасимова мәлімдеді.
"Қызылшаға шалдыққандардың басым бөлігі, яғни 82%-ы 1 жасқа толмаған балалар. Сонымен қатар 20-29 жас аралығындағы қала тұрғындары да қатерлі топта. Өткен жылдың сәуір, маусым айында қызылшамен ауырғандар саны күрт өскен. Кейін қараша айында да науқастар саны артты",– дейді департамент басшысы.
Жалпы 2019 жылдың қараша айында 42 жағдай тіркелсе, желтоқсан айында бұл көрсеткіш 156-ға жетті. Эпидемиологтар қызылшаға шалдыққан науқастар саны үш есе артқанын айтады. Мамандардың пікірінше, бұның басты себебі халықтың екпе салдырмауы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
