Алматыда Гоголь мен Шәріпов көшелерінің қиылысында жылу магистралі жарылып, бірқатар тұрғын үй мен әлеуметтік нысандар жылусыз қалды, деп жазады inbusiness.kz.
"Жылу трассасы 30 жылдан астам уақыт бұрын – 1986 жылы пайдалануға берілді. Соңғы жылдары бұл аумақта құбырдың тозуына байланысты 17 апат болған, бүгінгісі - 18-ші оқиға. Зақымдалған құбырды және зақымдалған жерді анықтау жұмысы жүріп жатыр. "Алматы жылу жүйесі" ЖШС мамандары құбырды жөндеп жатыр. Барлығы 3 техника мен 18 адам жұмылдырылды",- делінген әкімдік таратқан хабарламада.
Диаметрі 400 мм болатын зақымданған құбырды жөндеу үшін ауданды ыстық сумен жабдықтау уақытша өшірілді.
Қазіргі уақытта 67 көппәтерлі және 2 жеке үй, 6 білім нысаны және 20-дан астам басқа нысандар уақытша жылусыз қалды.
