Алматыда құбырлады гидравликалық сынақтан өткізу кезінде құбыр жарылды, деп хабарлайды inbusiness.kz "Алматы жылу желісі" ЖШС-ға сілтеме жасап.
Апаттық жағдай 6 қыркүйек таңғы сағат 6:00 шамасында орын алған.
"Медеу ауданындағы Достық даңғылы мен Жібек жолы көшесінің қиылысында жылу жүйелерін гидравликалық сынақтан өткізу барысына асфальт бетіне ыстық су шыққан. Ол адам өмірі мен денсаулығына қауіп төндірмейді",- деп жазылған хабарламада.
Су температурасы +65 градустан аспаған. Инженер-техник мамандар жағдайды дер кезінде бақылауға алып, жөндеу жұмыстарын бастаған.
"Диаметрі 200 мм құбыр жарылды. Ол 1988 жылы төселген ескірген құбыр. Қазір мамандар істен шыққан жылу желісін ауыстыруда",- деп жазылған хабарламада.
Еске сала кетсек, Алматыдағы жылу желілерінің жартысынан астамы әбден ескірген.
