Қырғызастанда атақты "Куликовский" кондитерлік үйіне ірі көлемде айыппұл салынды, деп хабарлайды inbusiness.kz сайты.
"Куликовский" кондитерлік үйінің бас директоры Денис Гайворонский кәсіпорында салықтық тексеру аяқталып, тексеріс бойынша қорытынды акт жасалғанын мәлімдеді. Кәсіпкердің айтуынша, компанияның үстінен түскен негізгі шағым басқа сауда нүктелері (дүкен, супермаркеттер) арқылы сатылатын мерзімі өткен өнімдерді есептен шығару сомасындағы түсініспеушіліктерге байланысты.
Қырғызстан заңнамасына сәйкес, мұндай тауарлар сауда-өнеркәсіп палатасының арнайы комиссиясының қатысуымен жойылуы тиіс. Кәсіпкер компания күнделікті қайтарылатын өнімдердің көлемінің аздығын ескере отырып, өнімдерді арнайы комиссияның қатысуынсыз өз бетінше кәдеге жаратқан.
Тексеру нәтижесінде аталған заң бұзушылық үшін компанияға 20 миллион сом (114 миллион теңгеден астам) айыппұл салынды.
"Бұл мәселе бойынша қолданыстағы заңнамада кемшіліктер бар. Өйткені өнімдердің шағын партияларын кәдеге жарату үшін күн сайын CCI сарапшыларын тарту мүмкін емес", – дейді Гайворонский
Осы бағытта компания мерзімі өтіп кеткен өнімдерді есептен шығару механизмін пысықтау үшін уәкілетті органдармен, оның ішінде салық қызметімен келіссөздер жүргізуді көздеп отыр.
