Премьер-Министрдің орынбасары – Сауда және интеграция министрі Серік Жұманғарин 9 қыркүйекте Жамбыл облысына жұмыс сапары аясында өңірдің тамақ өнеркәсібінде жұмыс істейтін кәсіпорындарын аралап, фермерлермен ауыл шаруашылығы өнімдерін өндірудің өзекті мәселелерін талқылады, деп жазады inbussines.kz Қазақстан Республикасы Премьер-министрінің ресми ақпараттық ресурсына сілтеме жасап.
20 мың құс өсіретін 12 фермасы бар "ECO-CHICKEN" ӘКК жылына 200-210 тонна тауық етін өндіреді. Мұның бәрін 12 адам қамтамасыз етеді. Бүгін кәсіпорын шағын құс фермаларын салу жобасын әзірлеп, кейіннен кооперативке біріктірді. Әрбір шағын ферма 1 600 бройлерге есептелген және жылына 3,8 млн теңгеден таза пайда алуға мүмкіндік береді.
Биыл қазақстандық пияздың төрттен үш бөлігі өсірілетін Жамбыл облысында осы дақылдың өнімі жақсы болады деп күтілуде. "Самғау" шаруа қожалығы 4 500 тонна пияз жинауды жоспарлап отыр, бұл өткен жылмен салыстырғанда жарты тоннаға көп. Ауыл шаруашылығы жерлерінің алаңы 470 гектардан асады. Мұнда 12 адам жұмыспен қамтылған. Олар үкіметтің бағаны тұрақтандыру жөніндегі жұмысы туралы білу және проблемалық мәселелерді белгілеу үшін вице-премьермен кездесуге келді.
Кездесу барысында Серік Жұманғарин Үкімет аграрлық өндірушілерді қолдау үшін енгізіп жатқан жаңа тәсілдер туралы айтып берді. Қолда бар айналым қаражаты шеңберінде негізгі әлеуметтік маңызы бар азық-түлік өнімдерін – көкөністер, сүт өнімдері, күріш, ұн, әлеуметтік нан, жұмыртқа, қарақұмық, тұз, сиыр еті, тауық еті, күнбағыс майы және, әрине, қант өндірушілерді қаржыландыру схемалары қайта қаралып жатыр.
"Самғау" шаруа қожалығының басшысы Евгений Трубников өнімдер бағасын тұрақтандырудың негізгі мәселесі айналым қаражатының жетіспеушілігі екенін айтты.
Сауда және интеграция министрі Серік Жұманғарин өнімді Қазақстанның батыс өңіріне көкөніс қоймаларында сақтау және батыс облыстардың нарықтарында өткізу үшін жеткізу мүмкіндігін қарастыруды ұсынды.
