ҚР Ғылым және жоғары білім министрі Саясат Нұрбек осы жайтқа қатысты түсінік берді, деп хабарлайды inbusiness.kz сайты.
"Сейсмология үлкен ғылым екені белгілі. Жоғары дүмпу болды. Эпицентр Қырғызстан және Қытай шекарасында, 250-260 шақырым жерде орналасты. Афтершок жойқын болды. Рихтер шкаласы бойынша 6,5-7 балға жуық. Сол себептен ол Орталық Қазақстан да сезілді. Зілзаланың толқыны оңтүстіктен солтүстікке қарай бағытталды. Салдарынан біз мұнда (ред. – Астана) әлсіз болса да сезіндік", - деп түсіндірді министр.
Саясат Нұрбек Астананың Тұран жазығында орналасқанын еске салды.
"Бұл өте тұрақты, ескі платформа екенін айта кету керек. Сол себептен бұл толқын жай афтершок болды. Алаңдауға негіз жоқ", - деді министр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
