Қазақстан мен Өзбекстан арасына қатынайтын әуе рейстердің саны көбейеді, деп хабарлайды ҚР ИДМ азаматтық авиация комитеті.
ҚР ИДМ азаматтық авиация комитеті мен Өзбекстанның авиация әкімшілігінің, сонымен қатар екі ел әуе компаниялары арасындағы келіссөздер нәтижесінде әуе рейстерінің санын арттыру келісімне қол жеткізілді.
"Эйр Астана" әуе компаниясы 2017 жылдың желтоқсан айынан бастап Өзбекстанға қатынайтын рейстердің санын көбейтуді жоспарлап отыр. Компания биылғы 2 жетоқсаннан бастап Алматы – Ташкент бағыты бойынша рейстер санын аптасына 7 рейске дейін жеткізеді. Енді, жексенбі күні де осы бағытқа бір рейс орындалады. Яғни, Алматы-Ташкент бағытына күнделікті ұшатын болады. Ал, 3 жетоқсаннан бастап Астана – Ташкент бағыты бойынша аптасына 4 рейске дейін жеткізеді. Бұл бағыт бойынша сенбі күні де ұшуға мүмкіндік болады.
"Өзбек әуе желілері" әуе компаниясы Қазақстанға мына бағыттар бойынша әуе рейстерін көбейтеді: 2017 жылдың 4 желтоқсанынан бастап Ташкент – Алматы бағыты бойынша аптасына 6-дан 7 рейске дейін, яғни, дүйсенбі күні де Ташкенттен Алматыға ұшып келу мүмкіндігі жасалады. Сонымен қатар, 2018 жылдың наурыз айынан бастап әуе рейсі Ташкент – Астана бағыты бойынша аптасына 4 рейске дейін орындалады. Ташкенттен Астанаға жексенбі күні де ұшып келуге болады.
Нәтижесінде, екі ел арасындағы ұшудың жалпы саны аптасына 22 рейс болады. Осылайша, жолаушылар Алматыдан Ташкентке күніне екі рет және Астанадан күн сайын ұша алатын болады. Болашақта Самарқанд, Бұхара және Үргеніш қалаларына рейстер ашу жоспарланып отыр.
