Алматыдағы сауда орталықтарының бірінде мектеп оқушылары жаппай төбелес шығарды, деп хабарлайды inbusiness.kz сайты.
Алматы қаласының балалар омбудсмені Диана Ерлан бұл дерек бойынша қылмыстық іс қозғалғанын айтты.
"Мен прокуратураға балаларды арнайы оқу мекемесіне орналастырудың заңдылығын тексеру туралы сұрау жібердім. Бүгін прокуратура балаларды арнайы мектепке орналастыру туралы шешімді заңсыз деп тапты", – деді ол.
Полиция департаментінің бұзалық бабы бойынша қылмыстық іс қозғалғанын хабарлады.
"Төбелеске қатысқан барлық тұлға анықталып, полицияға жеткізілді. Әрқайсысының әрекетіне құқықтық баға беріліп, заңнамаға сәйкес шаралар қабылданады. Балаларды тәрбиелеу бойынша міндеттерін орындамағаны үшін олардың ата-аналары жауапқа тартылды. Барлық қатысушы есепке алынды", – делінген хабарламада.
