Оның 3-еуі нақты жазалау шараларымен сотталса, қалғанына сотқа дейінгі тергеулер жүргізіліп жатыр, деп хабарлайды inbusiness.kz сайты.
Бір мезгілде прокуратураның бастамасы бойынша 107 борышкер әкімшілік жауапкершілікке тартылған, оның 95-і 5 тәулікке дейінгі мерзімге әкімшілік қамауға алынып отыр.
– Сонымен қатар, балалардың пайдасына жалпы құны 32 млн теңге болатын 8 мүлік объектісі (жер учаскелері, тұрғын үйлер және автокөлік) берілді.
Мысалы, борышкерлердің бірі берешекті өтеу есебінен өндіріп алушыға құны 7,5 млн теңге болатын жер учаскесін берді.
Қабылданған шаралар ата-ана міндеттерін орындаудан әдейі жалтарған адамдар үшін жауапкершіліктің сөзсіз болуының тұрақты тәжірибесін қалыптастырады, – делінген Бас прокуратура таратқан ақпаратта.
Алимент міндеттемелері әлеуметтік маңызы бар және балалардың құқықтары мен әл-ауқатын қорғауға тікелей әсер ететіні айдан анық. Алимент төлеуден жалтарудың әрбір фактісі заңда белгіленген тәртіппен қаралатын болады.
