"1315" нөмірі бойынша кез келген адам өзі дауыс беретін сайлау учаскесінің мекенжайы мен нөмірін анықтай алады, деп хабарлайды inbusiness.kz.
"Барлық ұялы байланыс операторларының абоненттері үшін қоңырау шалу тегін. Call-орталық демалыс күндерін қоса алғанда, күн сайын сағат 08:00-ден 20:00-ге дейін жұмыс істейді", – деп хабарлады Алматы әкімдігі.
Сондай-ақ Әкімдіктің Open Almaty Қоғамдық қабылдау сайтында және білім басқармасының Мемлекеттік қызметтер порталында жарияланған тізімнен әр сайлаушы өзінің аты-жөнін тексеруіне мүмкіндік беретін қызмет іске қосылған.
"Мұндай қызметті Telegram Bot @almaty_sailau2022_bot арқылы алуға болады", – деп толықтырды ведомства.
Естеріңізге сала кетейік, Қазақстанда кезектен тыс Президент сайлауы 20 қарашада өтеді.
