Алматылықтардың 23%-ында коронавирусқа қарсы иммунитет қалыптасты

774

Шаһарда науқастар саны азайып келеді. 

Алматылықтардың 23%-ында коронавирусқа қарсы иммунитет қалыптасты

Бұл туралы өңірлік коммуникациялар алаңында өткен баспасөз мәслихатында Алматы қаласы санитариялық-эпидемиологиялық бақылау департаментінің басшысы, Жандарбек Бекшин айтты, деп хабарлайды inbusiness.kz.

"Маусым айы басталғалы Алматыда коронавирус жұқтыру көрсеткіші 2 есе төмендеді. Соңғы тәулікте 112 сырқаттанған науқас тіркелді. Алматыда наурыз айында – 9,5 мың жағдай, сәуірде 20 мыңға дейін жеткен. Қазір сырқаттану деңгейі төмендеді. Бұл қалада коронавирусқа қарсы жүйелі түрде жүргізілген жұмыстың нәтижесі, оның ішінде халықты жаппай вакциналау бар. Алматыда қазір 23%-дық иммунды қабат қалыптасты. Халықтың 18%-ы вакцина алса, 5%-ы ауырып жазылғандар", – деді Жандарбек Бекшин.

Сонымен қатар, мегаполистің мемлекеттік бас санитар дәрігері  соңғы 7 күнде сырқаттану көрсеткіші 64,7-ден 39,8-ге дейін азайғанын жеткізді. 

"Мұндағы репродуктивті сан 0,79 деңгейінде тұрақтанды. Бұл "жасыл аймақ" көрсеткішіне сай", деді спикер. 

Құралай Құдайберген
 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу