/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
«АлматыМетроқұрылыс» басшысы Ішкі істер министрінен араша сұрады

«АлматыМетроқұрылыс» басшысы Ішкі істер министрінен араша сұрады

Ол елордада тұрғындарды қабылдап жатқан Ерлан Тұрғымбаевпен ғаламтор арқылы тілдесті.

04 Желтоқсан 2019 17:05 247

«АлматыМетроқұрылыс» басшысы Ішкі істер министрінен араша сұрады

Фото: egemen.kz

Кеше ғана кепілдікпен босап шыққан «Алматыметроқұрылыс» компаниясы директорлар кеңесінің төрағасы Қайрат Рейімов Ішкі істер министрінен араша сұрады, деп хабарлайды Atameken Business.

Ол елордада тұрғындарды қабылдап жатқан Ерлан Тұрғымбаевпен ғаламтор арқылы тілдесті.

Республиканың түкпір түкпірінен байланысқа шыққан шағымданушылардың басым бөлігі құқық қорғау органындағы қызметкерлердің жұмысына көңілі толмайтындарын айтты. Тіпті бұрынғы погон таққан шенділер де шағымдарын айта келген.

Жиыннан тікелей байланысқа шыққан арна тілшісі Қарлығаш Темірбайқызы толығырақ баяндайды:

 

«Алматыметроқұрылыс» компаниясының 100 пайыз акциясы бұғатталды

Аталған компанияның директорлар кеңесінің төрағасы Қайрат Реимовтың үстінен екі қылмыстық іс қозғалған.

28 Қараша 2019 16:15 303

«Алматыметроқұрылыс» компаниясының 100 пайыз акциясы бұғатталды

«Алматыметроқұрылыс» компаниясының 100 пайыз акциясы бұғатталды. Бұл туралы аталған компанияның директорлар кеңесінің төрағасы Қайрат Реимовтың адвокаты Әлімжан Оралбай мәлімдеді, деп хабарлайды Atameken Business.                                           

Сондай-ақ, қорғаушы Реимовтің 27 қараша күні тұтқындалғанын ресми растады. Адвокаттың айтуынша, қазіргі уақытта Қайрат Реимовтың үстінен екі қылмыстық іс қозғалған. Оның біріншісі РБК банкі басшысының өтініші бойынша болса, екіншісі «ДК Инвестмент» компаниясының өтініші бойынша. Онда Реимовқа тиесілі компания құрылыс материалдарын қайтармады деп көрсетілген. Сондай-ақ, аталған компанияға «Алматыметроқұрылыс» та 1,5 млрд теңге көлемінде берешек екен.

«Бастапқыда акциялардың 39 пайызын беру туралы шарт жасалған, біз оларды беруге дайынбыз. Биржа бойынша бағалы қағаздарды есептен шығару және оларды екінші тараптың есепке алуы туралы екі бұйрық шығуға тиіс. Әзірге бұйрық шыққан жоқ»,– деген болатын күдікті.

Ал, 1,5 теңге берешекке келсек «оны қайтаруға дайынбыз, алайда қарыз беруші келісім бермей келеді» деп ақталған еді.

Енді осы сот процестеріне байланысты екі метро станциясының құрылысы тоқтап қалуы мүмкін. Алайда компания өкілдері құрылыс жұмыстары жалғаса береді дейді.

Айта кетейін, осы екі станцияның құрылысына 43,3 млрд теңге бөлінген.

Қылмыстық-атқару жүйесі мекемелері тексерілуде

Ішкі істер министрі Ерлан Тұрғымбаевтың нұсқауымен оның орынбасары Нұр-Сұлтан (ЕЦ-166/5) мен Ақмола облысының (ЕЦ-166/18, ЕЦ-166/25) қылмыстық-атқару жүйесі мекемелеріне аттанды. 

03 Тамыз 2019 14:30 534

Қылмыстық-атқару жүйесі мекемелері тексерілуде

ІІМ басшысының орынбасары Арыстанғани Заппаров мекеменің медициналық бөлімдерінің жабдықталуын тексерді, сотталғандар тұратын отрядтарда және өндірістік учаскелерде болды, деп хабарлайды ІІМ баспасөз қызметі.

Ол сондай-ақ, Нұр-Сұлтан қаласы бойынша ҚАЖ департаментінің ЕЦ-166/5 мекемесінің мектеп және кәсіптік-техникалық колледжінің жұмысымен танысты, сотталғандарды әртүрлі сұрақтар бойынша қабылдап, кездесу өткізді. Кездесу барысында министрдің орынбасары колониядағы оқыту және кәсіптік білім беру үшін жасалған жағдайлар еңбек етуге, жәбірленушілерге келтірілген зиянның орнын толтыруға, ең бастысы бостандыққа шыққан кезде тез әрі табысты бейімделуге ықпал ететінін атап өтті.

Естеріңізге сала кетейік, бұған дейін ІІМ бастамасымен депутаттар, мемлекеттік органдар, ҮЕҰ және халықаралық ұйымдар өкілдерінің қатысуымен «Ашық диалог – пенитенциарлық жүйені реформалау құралы» атты форумы өтті.

Пенетенциарлық жүйені халықаралық стандарттарға жақындату, сотталғандарды ұстау жағдайларын жақсарту, адам құқықтарын сақтау үшін форумға қатысушылардан жұмыс тобы құрылды. Бұл жұмыс тобы еліміздегі Қылмыстық-атқару жүйесін жаңғыртудың жол картасы әзірлеуде.

Жол картасына азаматтық қоғам өкілдері мен құқық қорғаушылардың 200-ге жуық ұсыныстары енді.