Алматыда алғаш рет жасы 61 -ден асатын, немерелері бар әйелдер арасында "Асыл Әже Almaty" шығармашылық байқау өтті, деп хабарлайды Inbusiness.kz тілшісі.
Байқаудың қорытындысы бойынша - 62 жастағы Гульнара Құнанбаева гран-при иегері болды. Ол бас жүлдеге - плазмалық smart-теледидар алды және "Асыл Әже Almaty 2023" атанды.
Конкурсқа белсенді ұзақ өмір сүру орталықтарынан 12 адам іріктеп алынған. Ең үлкен әженің жасы 81-де. Жарысқа олардың балалары мен немерелері де қатысып, жанкүйер болды.
Байқауға қатысушылар үшін іс-шара төрт кезеңнен тұрды. Олардың өнері мен қабілнттерін мәдениет және өнер саласындағы тәуелсіз сарапшылар бағалады. Қатысушылардың барлығы жүлдесіз қалмады. "Заманауи әже - Ең креативті Әже 2023", "Өнегелі әже - Дана және қамқор Әже 2023" сынды бірнеше аталым бойынша сыйлықтар тапсырылды.
"Байқаудың миссиясы - аға-буын өкілдерінің шығармашылық әлеуетін жүзеге асыруға жағдай жасау, олардың белсенділік танытып, өмірдің барлық саласына араласуын қамтамасыз ету", дейді ұйымдастырушы, Алматы қаласының белсенді өмір орталығы және Қазақстан композиторлар одағы.
