Алматының Әуезов ауданында заңсыз сауда жүргізілген 7 ірі орын толықтай жойылды, деп хабарлайды inbusiness.kz сайты.
Бұған дейін бұл аумақтарда киім-кешек, көкөніс, сүт өнімдері мен гүлдер рұқсатсыз сатылған.
Аудандық Полиция басқармасының мәліметінше, жыл басынан бері заңсыз саудаға қатысты Қазақстан Республикасы Әкімшілік құқық бұзушылық туралы кодексінің 204-бабы бойынша 698 әкімшілік хаттама толтырылды. Айыппұлдардың жалпы сомасы 3,4 млн теңгеден асты.
Сонымен қатар абаттандыру талаптарын бұзу бойынша Кодекстің 505-бабына сәйкес 1 386 әкімшілік хаттама рәсімделіп, салынған айыппұл көлемі 5,3 млн теңгеден жоғары болды.
Биыл Әуезов ауданында барлығы 192 стационарлық емес сауда нысаны бұзылған. Заңсыз сауда орындарын жою жұмыстары жалғасып жатыр.
