/img/tv1.svg
RU KZ
Алматының автобустарына Wi-Fi қосылды

Алматының автобустарына Wi-Fi қосылды

Желіге әр 15 минут сайын қайта кіру қажет. 

20 Қыркүйек 2020 14:48 213

Алматының автобустарына Wi-Fi қосылды

Алматыда әр түрлі бағыт бойынша қатынайтын 350 автобус пен троллейбусқа тегін сымсыз интернет қосылды. Ол EZ Wi-Fi деп аталады. Жоба украиналық eWi-Fi компаниясының технологиясы бойынша жүзеге асырылуда. 

Қазіргі кезде жабдықтар 450 қоғамдық көлікке орнатылған. Қазан айының ортасына дейін 1 000 автобусқа ғаламтор қосу жоспарланған. 

Бүгінде қала тұрғындары «Алматыэлетротранс» компаниясының №120, 67, 120, 29 маршруттарында интернетті пайдалана алады. Сонымен қатар №18, 19, 98 және 99 бен 62, 104, 141 автобустарда желіге қосылуға мүмкіндік бар. Болашақта қоғамдық көлік терезелеріне Wi-Fi белгісі жабсырылады. Ал бастысы желіге әр 15 минут сайын қайта кіру қажет. 

Заңгерлер мобильді байланыс операторларын сотқа берді

Олар Bееline, Tele2/Altel және Kcell компанияларының қауіпсіздік сертификатын орнату талабына және интернеттің шектелуіне қатысты наразылық білдірген.

07 Тамыз 2019 07:58 641

Заңгерлер 4 бірдей қазақстандық мобильді байланыс операторларының үстінен сотқа шағым түсірді. Олар Bееline, Tele2/Altel және Kcell компанияларының қауіпсіздік сертификатын орнату талабына және интернеттің шектелуіне қатысты наразылық білдірген.

Нұр-Сұлтандағы алғашқы сот отырысы тамыздың 8-не белгіленген, өзгелері Алматы мен Қарағандыда өтеді.

Мамандар сот қарапайым абоненттерді қолдайды деген сенімде.

Ауылдағы денсаулық сақтау нысандары интернетсіз «цифрланып» жатыр

Көптеген өңірде ауылдық денсаулық сақтау объектілерін цифрландыру формальді түрде жүргізілуде. 

02 Сәуір 2019 11:34 547

Алғашқы медициналық көмекті толықтай цифрландыру үшін денсаулық сақтау ұйымдарын қажетті ақпараттық технология инфрақұрылымымен қамтамасыз ету қажет, дейді денсаулық сақтау министрі Елжан Біртанов.

Оның айтуынша, 2018 жылдың қорытындысы бойынша компьютерлік техникамен жабдықтау 95 пайызды құраған. Қалалар мен аудан орталықтарында интернет желісі мен медициналық ақпараттық жүйені енгізу 100 пайызға жеткен.

«Алайда, аудандық деңгейден төмен елдімекендердің денсаулық сақтау нысандарында интернет жоқ. Мысалы, Қарағанды (32%), Солтүстік Қазақстан (33%), Түркістан (35%) және Шығыс Қазақстан (35%) облыстарында интернетпен қамту деңгейі 40 пайыздан төмен», – деді Елжан Біртанов Үкімет отырысында.

Министрдің мәліметінше, денсаулық сақтау ұйымдарының 99 пайызында медициналық құжатты қағазсыз жүргізу енгізілген. Ал 2 миллионнан астам адам мобильдік қосымшаны қолдануда.

Цифрландырудың нәтижесінде емханаларға келу 2 есе, ал кезектер саны 60 пайызға қысқарды.

«Өкінішке қарай, көптеген өңірде ауылдық денсаулық сақтау объектілерін цифрландыру жеткіліксіз, формальді түрде жүргізілуде. Биылғы жылдың соңына дейін барлық денсаулық сақтау объектілерінде жұмысты қағазсыз форматта жүргізуге көшу керек», – дейді министр.