Алматының индустриялық аймағында 6 өндірістік нысан іске қосылмақ

354

Оңтүстік астанада фармацевтика және аспап жасау саласы белсенді дамып келе жатыр.

Алматының индустриялық аймағында 6 өндірістік нысан іске қосылмақ

Алматыда өнеркәсіптік өндіріс көлемінің өсуі байқалады, деп хабарлады өңірлік коммуникациялар қызметінің брифингінде Алматы қаласы Кәсіпкерлік және инвестициялар басқармасының басшысы Берік Солтанбаев.

Алматы индустриялық аймағында жыл соңына дейін іске қосуды жоспарлап отырған кәсіпорындар тізімінде: "Қаз-Диа-Тест" фармацевтикалық зауыты, VALTHERM радиаторларын, City Stone тастан жасалған бұйымдарын, Teplostil термопанельдерін, Stroy Production газобетонды блоктарын және "ЭлектроБар" электр техникалық бұйымдарын өндіру зауыты.

Бұдан басқа, жалпы өндірістік алаңы шамамен 16 мың шаршы метр болатын 4 өнеркәсіптік паркті (ALAESTATE, Alatau Industrial Park, QazaqPlast және ADS Industries-тің 2-кезеңі) ашу жоспарлануда, онда жеңіл, тамақ өнеркәсібі және металл өңдеу саласындағы 24 компания орналастырылатын болады.

Берік Солтанбаев Алматыда фармацевтика және аспап жасау саласы белсенді дамып келе жатқанын атап өтті. 2023-2024 жылдары фармацевтикалық кәсіпорындарды іске қосу жоспарлануда. 2022 жылдың соңына дейін "Алатау" АТП АЭА-да 200 млн теңгеге инвестициялары бар төмен вольтты жүйенің электр техникалық жабдықтарын өндіретін OISB Қазақстан зауытын іске қосу жоспарлануда.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу