/img/tv1.svg
RU KZ
Алматының шеткі аумақтарында 111 км жаңа жолдар пайда болады

Алматының шеткі аумақтарында 111 км жаңа жолдар пайда болады

Жалпы ағымдағы жылы ұзындығы 47,4 км болатын Алматы қаласының 177 көшесінде жаңа жолдар салынуда.  

11 Тамыз 2020 20:38 143

Алматының шеткі аумақтарында 111 км жаңа жолдар пайда болады

Өңірлік коммуникациялар қызметінің алаңындағы онлайн брифинг барысында Алматы қ. қалалық мобильділік Басқарма басшысының орынбасары Ернұр Абжахан  қаланың жаңадан қосылған учаскелеріндегі жол инфрақұрылымы құрылысы бойынша қала әкімі тапсырмаларының орындалу барысы туралы айтты.

«Шеткі аумақтар бойынша 200 км жолдың негізгі бөлігі – бұл шамамен 50%-дан астамына орташа жөндеу жүрігізілді. Ол Алатау, Наурызбай және Бостандық аудандары. Бұрын қатты жабынды болмаған шағын аудандарда жобалық-сметалық құжаттары әзірленуде. Аталған ЖСҚ жүзеге асырылғаннан кейін  шамамен 111 км жол пайда болады», – деп атап өтті спикер.

9 аудан бойынша ЖСҚ әзірлеу аяқталып келе жатқаны атап өтілді.

Жалпы ағымдағы жылы ұзындығы 47,4 км болатын Алматы қаласының 177 көшесінде жаңа жолдар салынуда. Оның ішінде ұзындығы 18,6 км болатын 112 көше бойынша жол құрылысы аяқталды. Жыл соңына дейін ұзындығы 28,8 км болатын қалған 65 көшенің жолын салуды аяқтау жоспарлануда.

Жол инфрақұрылымының сапасына қатысты сұрақтар бойынша қала тұрғындары 1308 номері бойынша Open Almaty қоғамдық қабылдауға жүгіне алады, болмаса әлеуметтік желілердегі Алматы қаласының қалалық мобильділік Басқармасының аккаунттарына хабарласуға болады.

Қызылорда – Жезқазған жолының құрылысы тоқтап тұр

Екі аралықтағы жолдың 30 шақырымы ғана салынған.

14 Тамыз 2019 13:37 529

Қызылорда қаласындағы автобус паркін жаңа қоғамдық көліктермен толықтыру мәселесі қаржылық мүмкіндікке қарай шешіледі. Бұл туралы облыстық жолаушылар көлігі және автомобиль жолдары басқармасы басшысының орынбасары Мұрат Тілеуімбетов айтты, деп хабарлайды syrboyi.kz.

Бүгінгі күні қала ішінде 32 бағыт бойынша жолаушыларды 680 автобус тасымалдап жүр. Осыған дейін 120 қоғамдық көлік сатып алынды. Басқарма өкілі олардың қатарын толықтыру бюджеттің мүмкіндігіне байланысты екенін жеткізді.

Жиында сондай-ақ сапасы сын көтермейтін Қызылорда-Жезқазған жолының жайы да сөз болды.

«Екі аралықтағы жолдың 30 шақырымы ғана салынып, жұмыс тоқтап қалды. Мәселе үкімет деңгейінде көтеріліп, оны шешу мүмкіндіктері қарастырылып жатыр. Жоспар бойынша жол құрылысы 2021-2022 жылдары жүргізілуге тиіс», – деді Мұрат Тілеуімбетов.

Ал облыс аумағындағы жергілікті маңызы бар автомобиль жолдары мен елдімекен көшелерінің биыл 192 шақырымы жөнделеді. Қазалы ауданындағы «Әлсейіт», Қызылорда қаласындағы «Шіркейлі» көпірлері де осы жылы пайдалануға берілмек.

Қарағанды облысында жол сапасын енді жаңа ведомство бақылайды

Мамандар күн сайын асфальт төсейтін учаскелерге барып, материал сынамасын алып, технологиялық нормалардың сақталуын қадағалайтын болады.

22 Сәуір 2019 17:36 708

Қарағанды облысында биыл 1 мың шақырым жол жөнделеді

Биыл қалалар мен аудандардағы, сондай-ақ облыстық және республикалық маңызы бар автожолдар жөнделетін болады

Жол сапасын енді жаңа ведомство – жол активтері сапасының ұлттық орталығы қадағалайтын болады. Ұйымның штатында 25 адам қызмет етеді. Мамандар күн сайын асфальт төсейтін учаскелерге барып, материал сынамасын алып, технологиялық нормалардың сақталуын қадағалайтын болады.

Осы жылы облыс орталығында Республика даңғылы мен Тәттімбет көшесін жалғайтын жол құрылысы аяқталуға тиіс. Тағы екі жаңа жолдың құрылысы басталады, олардың бірі – айналма, ал екіншісі салынып жатқан көтерме-тарату логистикалық орталығына апаратын жолдар.

Новодолинка-Шахан, Қарабас-Жартас-Долинка және Ақтоғай-Балқаш жолдарында күрделі жөндеу жұмыстары жалғасуда. Сондай-ақ, биылғы жылы Қарағанды қаласынан Саран және Шахтинск шаһарларына баратын тас жолдарда күрделі жөндеу жұмыстары басталады.

Су тасқынына қарсы шаралар аясында төрт көпір мен 12 су өткізу құбырын жөндеу жоспарлануда. Қарағанды-Тоғызқұдық-Ботақара тас жолындағы су өткізу құбырын күрделі жөндеу шілде айында аяқталады.