5 қаңтарда ол Өскеменде митинг түсірілімін жасап, өзінің Фейсбуктегі парақшасында видео жариялады, деп жазады inbusiness.kz тілшісі "Әділ сөз" сөз бостандығын қорғау халықаралық қорына сілтеп.
Әріптестерінің айтуынша, 7 қаңтарда оның үйіне құқық қорғау органдарының қызметкерлері келіп, алып кеткен. 9 қаңтарда сот шешімі шықты.
Дарын Нұрсапар ҚР ӘҚБтК-нің 488-бабы 6-бөлігі (Қазақстан Республикасының бейбіт жиналыстарды ұйымдастыру және өткізу тәртібі туралы заңнамасында белгіленген тәртіпті бұза отырып өткізілетін жиналыстарға, митингілерге, демонстрацияларға, шерулерге, пикеттеуге не өзге де жария іс-шараға қатысу, егер бұл әрекетте қылмыстық жазаланатын іс-әрекет белгілері болмаса, – ескерту жасауға немесе отыз айлық есептік көрсеткіш мөлшерінде айыппұл салуға не он бес тәулікке дейінгі мерзімге әкімшілік қамаққа алуға алып келеді) бойынша жауапқа тартылды.
Журналист 15 тәулікке қамауға алынды.
