Қазақстанның алты облысында дабылды ескерту жарияланды, деп хабарлайды "Қазгидромет" РММ.
Күндіз Қызылорда облысының басым бөлігінде 42°С қатты ыстық күтіліп, кей жерлерінде шаңды дауыл болады. Жел солтүстік-шығыстан соғады, күші кей жерлерде 15-20, екпіні 25 м/с болады деп күтілуде.
Атырау облысында кей жерлерде найзағай, дауылды жел, шаңды дауыл, оңтүстік-батыстан жел соғады, 15-20м/с, 35-37 градус қатты ыстық, кей жерлерде 40 градусқа дейін өте қатты ыстық болады.
Шығыс Қазақстан облысында кей жерлерде найзағай, дауыл күтіледі. Күндіз кей жерлерде бұршақ жауып, солтүстік-шығыстан, шығыстан соғатын желдің күші кей жерлерде 15-20 м/с жетеді.
Өскемен қаласында күндіз найзағай, бұршақ күтіледі. Солтүстік-шығыстан, шығыстан соғатын желдің күші 17 м/с дейін жетеді
Түркістан облысының кей жерлерінде шаңды дауыл, найзағай, дауыл болады. Шығыстан соғатын желдің күші 15-20 м/с күтіледі. Күндіз кей жерлерде 40 градус ыстық болуы мүмкін.
Шымкент қаласында түнде және таңертең шығыстан соғатын желдің күші 15-20 м/с болады деп күтіледі.
Түркістан қаласында түнде және таңертең шығыстан 15-20 м/с желдің күшеюі күтіледі.
