Әйел 6 ақпанда үйден кеткен, содан бері туыстарымен байланысқа шықпаған. Өзімен бірге алтын әшекейлерін ала кеткен, деп жазады inbusiness.kz Ақмола облыстық полиция департаментіне сілтеме жасап.
Ақмола облысы ПД баспасөз мәліметінше, ақпанның 12-інде Марал Құттыбайқызы Әбуованың жоғалғаны туралы полицияға күйеуі келіп айтқан.
"Өтініш түскен күннен бастап полиция жоғалған әйелмен қарым-қатынаста болғандарды анықтап, көруі мүмкін деген адамдар мен көршілерінен сұрастырды. Сонымен бірге ол тұрған үйдің аумағындағы, орталық саябақ пен теміржол маңындағы бейнебақылау камераларының жазбалары тексерілді. Әзірге, әйелдің қайда екені белгісіз", - деді ведомстводан.
Тәртіп сақшылары жоғалған әйелді көрген немесе орналасқан жерін білетін адамдар болса, дереу полицияға хабарласуын сұрайды.
