Ұлттық байқауда "Атамекен" ұлтық кәсіпкерлер палатасы жанынан құрылған комиссия мүшелерінің шешімімен және altynoimaq.kz сайты арқылы жүзеге асырылған қоғамдық дауыс берудің нәтижесінде жоғары ұпай жинаған үміткерлер жеңімпаз деп танылды.
"Ұлттық ою-өрнекпен көмкерілген іскерлік киімнің үздік дизайны" аталымында алматылық Эльмира Битуреева, "Ұлттық ою-өрнекпен көмкерілген балалар киімінің үздік дизайны" аталымында ақтөбелік Айнагүл Мазинова, "Ұлттық ою-өрнекпен көмкерілген үйге арналған текстильдің үздік дизайны" аталымында елордалық Евгения Жандарбаева топ жарды.
"Ұлттық әшекейлердің үздік дизайны" аталымында Жаңаөзен қаласының дизайнері Сәкен Қаржаубаев, "Спорт аяқ киімінің үздік костюм-дизайны" аталымында Нұр-Сұлтан қаласының шебері Айбибі Абуова өзгелерден озып шықты.
Біле жүріңіз, "Атамекен" ұлттық кәсіпкерлер палатасының 2019 жылғы 6 наурыздағы №49 бұйрығымен бекітілген ALTYN OIMAQ киім дизайнерлерінің ұлттық байқауы киім-кешек пен әшекейлердің ұлттық брендін қалыптастыру мен насихаттау арқылы отандық жеңіл өнеркәсіптің дамуына үлес қосуды көздейді.
Қанат Махамбет
