Бұл туралы облыс әкімінің орынбасары Батыржан Байжұманов онлайн-брифинг барысында айтты.
"Өздеріңіз білетіндей, Амандық Ғаббасұлыда коронавирус үш апта бұрын анықталды. Ол емделді, бірақ ентігу мен жүрек жетіспеушілігінің басталуына байланысты дәрігерлер оны Нұр-Сұлтан кардиологиялық орталығына жатқызу туралы шешім қабылдады", – деді Батыржан Байжұманов.
Облыс әкімі орынбасарының айтуынша қазіргі уақытта әкімнің жағдайы жақсарған.
"Оның жағдайы әлдеқайда жақсарды. Ол үнемі спортпен айналысады, денсаулығы мықты. Сондықтан жақын арада жазылып, жұмысқа кіріседі", – деді Батыржан Байжұманов.
Еске сала кетсек, бұған дейін Алматы облысының әкімі Амандық Баталовтың коронавирус жұқтырғаны туралы ақпарат тараған еді.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
