Талдықорған қалалық әкімдігі баспасөз қызметінің хабарлауынша, экс-әкімнің жүргізушісі болған азамат баспананы өз еркімен өткізген. Жалпы қазір өңірде баспанаға қатысты дау ушығып тұр. Қалаға биыл жаңадан әкім болып келген Әсет Масабаев өз жұмысын шаһардағы үйлердің заңды, не заңсыз берілгендігін тексеруден бастаған.
Кейіннен облыс орталығындағы 1062 пәтердің негізсіз берілгені анықталды. Енді тұрғындар үйді заңды алғанын сот арқылы дәлелдеп шықпаса, баспананы мәжбүрлі түрде босатпақ. Қазірдің өзінде 37 баспана әкімдік балансына кері қайтарылды. Жалпы Талдықорғанда 16 мыңнан аса адам үй кезегінде тұр. Баспанаға қолы жетпей жүргендердің сөзінше, кезек алдыға емес, керісінше артқа жылжып келеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
