Корпорация төлем ақпараты мен қолды байланыстыратын арнайы терминал құрастырмақ. Wall Street Journal басылымының хабарлауынша, мұндай аппараттар дәмхана, дүкен және мейрамханаларда орналастырылатын болады.
Терминалды пайдаланар алдында алақанды карта туралы ақпаратқа қосу керек. Ол үшін пластикалық картаны терминалға салып, қолды арнайы сканерден өткізу керек. Содан кейін ғана терминалды тек алақанның көмегімен пайдалануға болады.
Қазіргі таңда Amazon Visa-мен бірлесе мұндай транзакцияларды сынақтан өткізуде. Алдағы уақытта Mastercard-пен келіссөз жүргізуді жоспарлап отыр. Қазір корпорация инженерлері технологияны оңтайландырудың жолын қарастырып жатыр, өйткені кей қолданушылар өздері туралы биометрикалық деректерді терминалға енгізуден бас тартуы мүмкін.
Табиғат Нұрболат
