Нью-Йорк қор биржасының негізгі индекстері төмендеді,деп хабарлайды Inbusiness.kz порталы Barrons.com сайтына сілтеме жасап.
Ресми дерек бойынша, Dow Jones өнеркәсіптік индексі 153,07 пунктке (0,46%) төмендеп, 32 862,30 болды. S&P 500 индексі 58,66 пунктке (1,48%) кеміп, қазіргі көрсеткіш 3 915,46 пункт деңгейінде қалды. Nasdaq индексі 413,23 пунктке қысқарып (3,13%), 12 789,14 пунктке дейін төмендеді.
Сарапшылардың пікірінше, Nasdaq индексінің төмендеуіне инвесторлардың активтерді пандемия аяқталғанда табысқа кенелуі мүмкін деген компанияларға аударуы түрткі болып отыр. Amazon және Apple сияқты технологиялық алпауыттардың акциялары шамамен 3%-ға, ал Tesla компаниясыныкі 6,7%-ға арзандады.
Нарыққа қазір мұнай нарығындағы ахуал әсер етіп отыр. Еуропада, әсіресе Францияда пандемияның өршуі шикізаттың арзандауына әкеліп соқты. Осы елде карантин шараларының енгізілуі нарықты қатты алаңдатуда.
Табиғат Нұрболат
