Киім-кешек және аксессуарлар сататын Forever 21 компаниясы өзін банкрот деп жариялап, тиісті құжатты сотқа жіберген. Бұл туралы жергілікті ақпарат құралдары хабарлап жатыр.
Компанияның АҚШ-тағы дүкендерінің біразы жақын арада жабылады. Ал қалғандары жұмыстарын жалғастыра бермек. Компания кірісін қалпына келтіру мақсатында басшылық бизнес құрылымын өзгертуді жоспарлап отыр. CNN дерегі бойынша, 800 дүкеннің 180-і жұмысын тоқтатпақ. Айта кетейік, Forever 21 бренді сауда желісінің негізі 1984 жылы қаланды. Оның бас кеңсесі Калифорнияның Лос-Анджелес қаласында орналасқан.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
