RU KZ
Америкалық индекстер көтеріліп жатыр

Америкалық индекстер көтеріліп жатыр

25 Ақпан 2021 12:39 542

Америкалық индекстер көтеріліп жатыр
Сарапшылардың ойынша, индекстердің өсуіне Федералды қор жүйесінің төрағасы Джером Пауэлдің мәлімдемесі әсер еткен.

Нью-Йорк қор биржасындағы негізгі индекстері сауда сессиясы аяқталғаннан кейін 0,8%–1,4%-ға өсті, деп хабарлайды inbusiness.kz Nyse.com сайтына сілтеме жасап. 

Ресми мәліметке сүйенсек, Dow Jones өнеркәсіптік индексі 424,51 тармаққа (1,35%) өсіп, 31 961,86 болды. S&P 500 индексі 44,06 тармаққа (1,14%) артып, 3 925,43-ке жетті. Nasdaq индексі 105,36 пунктке өсіп (0,80%), 13 300,07 пунктке дейін көтерілді.

Сарапшылардың ойынша, индекстердің мұндай көрсеткіштерге ие болуына  Федералды қор жүйесінің төрағасы Джером Пауэлдің мәлімдемесі әсер еткен. Бұған дейін ол бағаның өсуі тұрақты инфляцияның басталуын білдірмейді, қаржы реттеушісінің «мәселені шешуге арналған құралы бар» деген еді. Сонымен қатар Johnson & Johnson компаниясы шығарған бір компонентті вакцинаның сынақтан сәтті өткізілуі де нарыққа оң ықпалын тигізіп отыр. 

Табиғат Нұрболат