Соттық процес Анатолий Стати, оның ұлы Габриель Стати және олар бақылайтын компаниялар желілері жасаған жүйелі алаяқтыққа көмектесушілік, арандатушылық және келісім үшін жауапкершілікке тартуға бағытталған. Бұл алаяқтық Қазақстан мен Outrider қоса алғанда бірнеше тарапқа залал келтірді, деп хабарлайды Әділет министрлігінің баспасөз қызметі.
Outrider кезінде Стати компаниясына инвестиция салған. 2009 жылы Outrider Британдық Вирджин аралдарында тіркелген және Анатолий Статиге тиесілі Тристан Ойл Лтд (бұдан әрі "Тристан") компаниясы шығарған облигацияларды сатып алды.
Чапменөзінің Argentem Creek компаниясымен бірге Тристан облигацияларының ірі ұстаушыларының бірі болған.
Облигациялар Қазақстандағы Статимен басқарушы компаниялары "Толкыннефтегаз" ЖШС (бұдан әрі "ТНГ") және "Казполмунай" ЖШС (бұдан әрі "КПМ") акциялары кепілімен қамтамасыз етілген, алайда Қазақстан заңнамасының талаптарымен тіркелмеген. Облигацияларды орналастырудан түскен барлық табыстар Қазақстандағы ТНГ және КПМ-нің операцияларына инвестициялануы тиіс еді. Алайда, Стати өзінің мәлімдемелері мен міндеттемелерін бұза отырып, облигацияларды сатудан американдық инвесторлардың миллиондаған қаражатын, өзінің басқа компанияларына, соның ішінде Оңтүстік Судандағы AscomSuddOperatingLimited-ке бағыттаған, кейіннен АҚШ Сауда министрлігі "АҚШ-тың Ұлттық қауіпсіздігі немесе сыртқы саясатының мүдделеріне қайшы келетін іс-шараларға қатысу немесе қатысу қаупі бар" компаниялар тізіміне енгізілген.
Қазақстанның Нью-Йорктегі шағымында Статидің алаяқтығының мәні мен егжей-тегжейлері баяндалған және Чапмен облигацияларға салынған ақшаның ұрланғанын анықтап, Статиге қарсы сот ісін қозғаудың және алаяқтықты тоқтатуға бағытталған құқықтық шараларды қолданудың орнына, жаңа жәбірленушіден [Қазақстаннан] ақша алу үшін алаяқтыққа қосылуға және оны қолдауға шешім қабылдайды деп негізделген.
Сотта бірлескен талапкер Outrider компания да Статидің алаяқтықпен алданып, Чапменнің Статимен жасаған әрекеттерінен зардап шеккенін айтады. Outrider және Қазақстан екеуі де Дэниел Чапменға, Аргентинум Крик Холдингс ЛЛС, Аргентинум Крик Партнерс ЛП, Пасфайндер Аргентинум Крик ДП ЛЛС және ACP I Трэйдинг ЛЛС алаяқтық, жәрдемдесу және құқыққа қарсы мінез-құлыққа итермелеу, сондай-ақ ағылшын құқығы бойынша заңсыз сөз байласу мақсатында сөз байласқаны үшін талап қояды.
Жаңа талаптарға қатысты Қазақстан Республикасының Әділет министрі Марат Бекетаев былай деді:
"Outrider компаниясының сотқа арыз-талап беруі Стати тарапы мен олардың Чапмен және Аргентем Крик сияқты сыбайластарының алаяқтық схемаларынан тек Қазақстан ғана зардап шекпегенін дәлелдейді. Біз осы алаяқтық құрбандарының өзін жариялаған және осы алаяқтарды жауапкершілікке тарту және олардың заңсыз әрекеттері үшін жазалау жөніндегі біздің күш-жігерімізге қосылғандардың қатысуын қолдаймыз. Бұл жаңа талаптар, Гибралтар сотының соңғы шешімімен бірге, Стати мен олардың сыбайластары төрелік сот пен кейбір соттарды адастыруы мүмкін болғанымен, олар түпкілікті әділеттіктен қашып құтыла алмайтындығын растайды".
Естеріңізге салайық, 2020 жылы 27 қарашада Гибралтар Жоғарғы Соты Толқыннефтегаз банкроттық басқарушысының Стати тарабына және оның ішінде Тристанға қарсы ("Гибралтар Акциясы") шағым бойынша шешім шығарды. бұл шешім шетелдік юрисдикциялардағы Статиды сотқа шақыруға рұқсат беру туралы ТНГ өтініші бойынша қанағаттандырылды. Гибралтар Жоғарғы Соты өз шешімін шығарған кезде маңызды істі мәні бойынша нақты (фантастикалық емес) перспектива тұсынан қарауды талап ететін стандартты басшылыққа алды.
