АҚШ-тың Массачусетс штаты Уэст-Тисбери қаласында 17 жастағы Дэвин Айсулу Такэбери көз жұмды. Бұл туралы The Martha’s Vineyard Times-ке сілтемемен ҚазАқпарат.
Бозбала 1 қыркүйекте өмірден өткен. Алайда оның жеке тұлғасы енді ғана анықталыпты. Өлімнің себебі туралы ақпарат жоқ.
Дэвин 2001 жылы 16 қазанда Қостанайда туған. Бір жас екі ай толғанда америкалық отбасы – Уэйн және Кэтлин Тэкабери асырап алған.
Ол орта мектептің 12-сыныбында оқып жүрген. Қазақстан тумасы Солтүстік Америкадағы қазақ диаспорасымен байланыста болған.
Дэвин гимнастикаға және би өнеріне, сондай-ақ сурет салу мен фото түсіруге әуес болған екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
