Атырау облысы бойынша экология департаменті әлеуметтік желіге мониторинг жасау барысында "АМӨЗ" ЖШС-не тиесілі алаудың жанғанын анықтады. Соған байланысты департаменттің жылжымалы-зертханалық лабараториясы зауыттың санитарлық қорғау аймағынан атмосфералық ауа сапасын тексеру үшін сынама алды. Қазіргі күні экологтар сынама қорытындысын заң аясында шара қолдану үшін облыстық мемлекеттік санитариялық-эпидемиологиялық қадағалау департаментіне жолдаған.
"Санитарлық қорғау аймағындағы атмосфералық ауадан алынған сынама көмірсутегі мөлшері текше метріне 0,054 мм-ден асқанын көрсетті. Бұл - белгіленген нормадан алты есеге артық", - дейді департаменттің бөлім басшысы Сапар Тұрсынбеков.
Атырау мұнай өңдеу зауыты бойынша зертхана қорытындысы алдағы уақытша қосымша хабарланбақ. Әзірге АМӨЗ тарапынан қандай да бір мәлімдеме жасалған жоқ.
Құралай Қуатова
