Қарағанды облысында "Қазақстан" шахтасында өрт болған жерден қаза тапқан екі адамның денесі табылды, деп хабарлайды inbusiness.kz тілшісі. Бұл ақпаратты "АрселорМиттал Теміртау" АҚ баспасөз қызметі растады.
Компанияның мәліметінше, қазір сәйкестендіру жұмыстары жүргізілуде.
Қарағанды облысы әкімдігінің баспасөз қызметі де бұл ақпаратты растады.
"Екі жұмысшы қайтыс болды. Қалғандары іздестіріліп жатыр", - деді облыс әкімдігінің баспасөз хатшысы Марина Шаповалова.
17 тамыз күні таңертең "Қазақстан" кенішінде өрт шықты. Шахтада 227 кенші болған. Оларды құтқаруға өңірлік ТЖД мен құтқару қызметінің күштері қосылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
