Анасының сөзінше, Александр бала кезінен әкесі сияқты ұшқыш болуды армандаған. Әкесі 7 жыл бұрын өмірден озған екен.
Александр ұшқыш болу үшін Ұлттық авиация академиясында, содан соң Түркияның Измир қаласында оқыған. Ол жерді 2013 жылы тәмамдап, 1 жыл бұрын ғана Azerbaijan Airlines әуе компаниясына жұмысқа тұрған.
"Маған бір күн бұрын WhatsApp арқылы осы бағытқа тағайындалғанын айтты. Әдеттегідей, ұшу уақытын жазды. Себебі ол үнемі ұшатынын ескертіп отыратын. Ұшқанын, қонғанын және үйге жеткенін жазатын. "Анашым, уайымдамаңыз, бәрі жақсы" деп айтатын. Ол тек бір жыл ғана жұмыс істеп үлгерді. Бірінші еңбек демалысына шығып, Францияға барғысы келетінін жеткізді. Демалыстан оралып, небәрі бір апта ғана жұмыс істеді", – дейді анасы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
