Түркия, Финляндия, Швеция мен НАТО делегацияларының кездесуі 14 маусымда Анкарада өтеді, деп хабарлайды Inbusiness.kz Түркия президентінің әкімшілігі хабарламасына сілтеме жасап.
"Үшжақты келісімге сәйкес құрылған тұрақты бірлескен механизмнің төртінші отырысын Республика Президентінің Бас кеңесшісі, елші Акиф Шағатай Кылыш 2023 жылғы 14 маусым, сәрсенбіде сағат 09.00-де Президенттік кешенде өткізеді. Кездесуге НАТО Бас хатшысының кабинет басшысы Стиан Йенссен НАТО делегациясының басшысы ретінде, Елші Ян Кнутссон, Швеция Сыртқы істер министрлігінің Мемлекеттік хатшысы Швеция делегациясының басшысы ретінде және Финляндия Сыртқы істер министрлігінің тұрақты Мемлекеттік хатшысы Юкка Саловаара фин делегациясының басшысы ретінде қатысады", - делінген хабарламада.
Финляндия мен Швеция өткен мамырда Украинадағы оқиғалар аясында альянсқа қосылуға өтініш берді. Альянсқа қабылдау үшін оның барлық мүшелерінің келісімі және белгілі бір процедуралардан өтуі қажет. Өткен маусым айының соңында Мадрид саммитінде НАТО-ның барлық елдері Швеция мен Финляндияның қосылуына келісті. Содан кейін мүше елдердің ұлттық парламенттері деңгейінде өтінімдерді ратификациялау процесі басталды.
Финляндия бұл жолдан бірінші болып өтіп, ресми түрде осы жылдың 4 сәуірінде НАТО-ның 31-ші мүшесі болды.
Түркия алдымен өтінімдерді қарау процесіне тосқауыл қойды, бірақ 29 маусымда Түркия, Швеция мен Финляндия арасындағы қауіпсіздік туралы меморандумға қол қойды.
2023 жылдың басына дейін Швеция мен Финляндияның өтінімдері НАТО-ның 30 елінің 28-і ратификациялады. Алайда Венгрия мен Түркия шведтік өтінімді финдік өтінімнен бөлек қарастырғысы келді. 31 наурызға қараған түні альянстың барлық мүшелері НАТО-ға финдік өтінімді ратификациялауды аяқтады. Швецияның өтініші осы уақытқа дейін венгр және түрік мақұлдауын алған жоқ. Бұл ретте НАТО-да Түркияда өткен сайлау Швеция мүшелігін ратификациялау процесін жеделдетуге мүмкіндік береді деп есептейді.
