Үкімет отырысына қатысқан Ажар Ғиният есебіне сүйенсек, елімізде жыл сайын 400 мыңнан астам әйел босанады екен. Десе де бедеулік пен белсіздік дерті дендеп, нәресте аңсаған отбасылар қатары көбейген.
"Бедеу неке - медициналық-әлеуметтік проблема болып табылады, оны шешу елдегі демографиялық жағдайды арттырып, әртүрлі себептерге байланысты сәби сүю мүмкіндігінен айырылған әйелдердің өмір сүру сапасын жақсартуға ықпал етеді" - дейді денсаулық сақтау министрі.
Бүгінде Министрлік "Аңсаған сәби" арнайы бағдарламасын іске асыруды жалғастыруда, нәтижесінде 14 000 әйелге экстракорпоралдық ұрықтандыру қызметтерін ұсынған. Бағдарламаны іске асыру кезеңінде 6 000-нан астам әйел жүкті болып, 2 800 отбасында көптен күткен 3 200 бала дүниеге келді. Қазіргі уақытта 3 мыңға жуық жүкті әйел нәрестені дүниеге әкеледі деп күтілуде.
Жыл сайын "Дені сау ұлт" ұлттық жобасы шеңберінде 7 мың квота бөлу көзделген.
