Антикор: Денсаулық сақтау министрлігіне қарасты департамент қызметкерлері пара алды деген күдікке ілінді

235

Cыбайлас жемқорлыққа қарсы іс-қимыл агенттігінің мәліметінше,жүйелі түрде пара алуда ҚР Денсаулық сақтау министрлігі Медициналық және фармацевтикалық қызметті бақылау комитеті департаментінің басшысы мен бөлім басшысының міндетін атқарушы әшкереленді.  

Антикор: Денсаулық сақтау министрлігіне қарасты департамент қызметкерлері пара алды деген күдікке ілінді Фото: sn.kz

Алматы облысы бойынша Cыбайлас жемқорлыққа қарсы қызмет прокуратураның үйлестіруімен шағын бизнес субъектілеріне фармацевтикалық бақылау саласындағы лауазымды тұлғалардың жемқорлық қызметін тоқтатты, деп хабарлайды inbusiness.kz.

"Олардың заңсыз талабы бойынша шағын бизнес өкілдерінен фармацевтикалық қызметті (дәріхана бизнесін) жүзеге асыруға бас лицензиялар мен оларға қосымшалар бергені үшін жалпы сомасы 850 000 теңгеге пара алынғаны анықталды", - деп хабарлады Cыбайлас жемқорлыққа қарсы іс-қимыл агенттігі.

Ведомство жемқорлықтың жолын кесу және анықтау, сондай-ақ бизнесті қорғау жұмыстары жүйелі түрде жалғасып жатқанын мәлімдеді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу