Бағалау 6 индекс бойынша жүзеге асырылады: "Сыбайлас жемқорлықты бақылау", "Мемлекеттік басқарудың тиімділігі", "Заңның үстемдігі", "Реттеуші ортаның сапасы", "Саяси тұрақтылық" және "Халықтың пікірін есепке алу және мемлекеттік органдардың есептілігі".
Нәтижелер процентиль шкаласы бойынша көрсетіледі – төмен көрсеткіштері бар елдердің пайызы көрсетіледі.
"Сыбайлас жемқорлықты бақылау индексі бойынша Қазақстан кестенің ортасында өз орнын алды. Өткен рейтингте біздің елден төмен нәтижелер елдердің 42% көрсетті, жаңа рейтингте – 48%. Осылайша, бір жыл ішінде Қазақстан өз позициясын 6 тармаққа жақсартты, ал жалпы соңғы 5 жылда екі еседен астам өсім байқалады. Биылғы жылдың көрсеткіші еліміздің осы рейтингке қатысқан барлық уақыт ішінде ең жоғары көрсеткіш болып табылады", – деп жазылған Антикор хабарламасында.
Айта кетсек, Қазақстаннан кейінгі қатарларда Аргентина, Бразилия, Индонезия, Марокко, Сербия, Түркия және басқа да мемлекеттер орналасқан.
