2021 жылдың қаңтары мен мамыры аралығында ауыл және орман шаруашылығына, балық шаруашылығы саласында негізгі капиталға салынған инвестиция 213,8 млрд теңгеге жетті. Бұл көрсеткіш – бір жыл бұрынғы көрсеткіштен 47,4% артық. Инвестициялардың нақты көлемінің өсімі 46,8% құрады.
Инвестициялық салымдардың 99% өсімдік, мал және аң шаруашылығына салынған.
"Балық шаруашылығы секторында да капиталдық инвестициялар 0,9%, яғни 2 млрд теңгені құрады. Бір жыл бұрынғы көрсеткіштен бұл сома 4 есе көп. Орман шаруашылығы мен ағаш кесу саласына салынған инвестиция көлемі бар-жоғы 0,04% құрады", - делінген зерттеуде.
Аймақтық бөліністе салымның төрттен бір бөлігі Солтүстік Қазақстанға тиесілі: 54,2 млрд теңге. Екінші орында 41,9 млрд теңгемен Ақмола облысы тұр (өсім – 2,7 есе). Инвестиция салымы жағынан үшінші орынды 26,2 млрд теңге (+27,8%) инвестициясымен Қостанай облысы түйіндейді. Ал ауыл шаруашылығы аймақтары саналатын Алматы облысында бұл жолы инвестиция 26,3% азайған.
Аян Бекенұлы
