Қырғыз Республикасында тікұшақ апатқа ұшырап, олар Қазақстаннан көмек сұрады. Таулы жерде зардап шеккендерге көмек көрсету үшін Төтенше жағдайлар департаментінің құтқарушылары тікұшақ жіберген, деп хабарлайды almaty.tv.
Белгілі болғандай, арнайы туристік рейспен Бішкек-Оңтүстік Эмильчук бағыты бойынша 3900 метр биіктікте МИ-8 тікұшағы бір қырымен құлаған екен. Соның салдарынан 3 адам зардап шекті. Тіқұшақта барлығы 13 адам, оның ішінде, 9 турист, 1 гид және 3 экипаж мүшесі болған. Туристердің ішінде Қазақстан азаматтары болмаған.
"Республикалық жедел құтқару жасағының құтқарушылары дер кезінде арнайы медициналық көмек көрсетті. Тікұшақтағы адамдарды Қырғыз Республикасының Чаркудык елдімекеніне жеткізген. Төтенше жағдайлар департаментінің "Қазавиақұтқару" тікұшағы қазақстандық құтқарушылармен бірге өз жұмыстарын сәтті аяқтап, елге оралды", – деп мәлімдеді ҚР ІІМ ТЖК ресми өкілі Руслан Иманқұлов.
