/img/tv1.svg
RU KZ
Апаттық үйлерден айырылғандар алданғандарын айтты

Апаттық үйлерден айырылғандар алданғандарын айтты

Жаңаөзен қаласының бір топ тұрғыны өздері тұрып жатқан баспаналарының жекешелендіруге жатпайтынына наразы.  

24 Қыркүйек 2020 23:14 349

Апаттық үйлерден айырылғандар алданғандарын айтты

Бұрын олар «апатты жағдайда» деп танылған үйлерде тұрған еді, деп хабарлайды Аtameken Business.  

2018 жылы Жаңаөзен қаласы әкімдігі өздері сатып алған пәтерлерге апатты үйлердің тұрғындарын көшірді. Жалға берілетін пәтерлерге алдап апарды деген тұрғындар бүгін әкімдік алдына жиналып, облыс әкімімен тікелей кездесуді талап етті.  

Мемлекет басшысы Маңғыстау облысының әкімі Серікбай Трұмовты қабылдады

Облыс әкімі Жаңаөзен қаласын кешенді дамыту жоспары туралы баяндады.  

03 Маусым 2020 18:17 291

Мемлекет басшысы Маңғыстау облысының әкімі Серікбай Трұмовты қабылдады, деп хабарлайды Ақорданың баспасөз қызметі.

Қазақстан Президентіне Маңғыстау облысының қоғамдық-саяси ахуалы мен әлеуметтік-экономикалық жағдайы, аймақтағы коронавирусқа қарсы күрес шаралары баяндалды.

Серікбай Трұмов Қасым-Жомарт Тоқаевқа облыс экономикасын әртараптандыру, өңдеу өнеркәсібі мен туризм, көлік-логистика бағыттарын дамыту, ауылшаруашылығы саласындағы шағын несиелеуді қолдау шаралары туралы айтты.

Мемлекет басшысы өңірдегі қоғамдық-саяси жағдайдың тұрақтылығын қамтамасыз ету, өндірісті дамыту мен аймаққа инвестиция тарту, туризм саласындағы жобаларды жүзеге асыру және коронавирус індетіне қарсы күрес жөнінде бірқатар тапсырма берді.

 

Жыл соңына дейін жаңа тұрғын үй бағдарламасы бекітіледі

Ол бес мәселені шешуге бағытталмақ.  

07 Қазан 2019 17:45 1092

Елімізде жаңартылған «Нұрлы жер» бағдарламасы қабылданады. Бұл туралы индустрия және инфрақұрылымдық даму министрі Бейбіт Атамқұлов мәлімдеді.

«Жыл соңына дейін жаңа бағдарлама бекітіледі. Ол бес мәселені шешу бойынша жұмыс істейді. Яғни, бірыңғай тұрғын үй саясатын жүзеге асыру, халықты сапалы ауыз сумен қамту, коммуналдық саланы дамыту мен жаңарту, тұрғын үй қорын толығымен қайта жөндеу және құрылыс саласын дамыту»,– деді Бейбіт Атамқұлов.

Министрдің сөзінше, жаңа бағдарламаның негізгі мақсаты жұмыс істейтін әрбір қазақстандықты жеке пәтермен қамту.

«Бағдарламаларға қатысудың нақты талаптары бекітіледі. Оның негізгісі - халықтың табысы. Табысы жоқ немесе отбасының бір ғана мүшесінің табысы бар кезекте тұрғандарға сатып алу құқығы жоқ пәтерлер жалға беріледі. Яғни, әлеуметтік осал топтың ішінде іріктеу жүргізіледі. Оларға арналған сатып алу құқығы жоқ пәтерлер құрылысы жалғаса береді. Ал өзгелер үшін 2%-бен берілетін «Бақытты отбасы» бағдарламасы қала бермек»,– деді Бейбіт Атамқұлов.

Сонымен қатар, министр «Бәйтерек» холдингінің тұрғын үй бөлімін оңтайландыру бойынша - «Байтерек девелопмент», Қазақстан ипотекалық компаниясы және Тұрғын үй құрылысын кепілдендіру қорын біріктіру жұмыстары жүргізіліп жатқанын атап өтті.

«Жобаның барлық сатысында бір оператор кешенді қолдау білдіреді. Атап айтқанда, жоспарлау кезеңінен бастап, инжинириг, цифрлы бақылау, кейінгі пайдалануға беру уақыты»,– деді министр.

Бейбіт Атамқұлов еліміздің екі өңірінде тұрғын үй құрылысының баяулағанын да атап өтті.

«Биылғы жылдың қаңтар-тамыз айларында 7,6 млн шаршы метр, яғни, 65,8 мың тұрғын үй пайдалануға берілді. Өткен жылдың осы кезеңіндегі көрсеткіштермен салыстырғанда тұрғын үйлерді пайдануға беру көрсеткіштері Нұр-Сұлтанда – 33,4%-ға, Маңғыстау облысында – 9,5%-ға баяулаған»,– деді министр.

Құралай Құдайберген