Дағдарыс алкогольсіз сусын өндірушілерді балама жемістер іздеуге мәжбүр етті. Толығырақ Sözcü түрік басылымы хабарлайды, деп жазады inbusiness.kz.
Бразилия бақтарындағы ауа-райының қолайсыздығы мен ағаштардың ауруға шалдығуына байланысты апельсин шырынының бағасы рекордтық деңгейге көтерілді. Ал Оңтүстік Америка елі — әлемдегі ең ірі цитрус экспорттаушысы. Енді қайта өңдеушілер ең ықтимал балама — мандариндерді пайдалана бастайтын сияқты.
Апельсин шырынын фьючерстері 2022 жылдың аяғынан бастап, алдымен дауыл, содан кейін температураның күрт төмендеуі АҚШ-тың негізгі бау-бақша аймағы әрі әлемдегі екінші ірі апельсин өсіруші — Флоридадағы апельсин тоғайларын қиратқаннан бері өсіп келеді.
Халықаралық жеміс-көкөніс шырындары одағының (IFU) Президенті Кис Кулс саладағы өте қиын жағдайды растады.
"Бұл дағдарыс. Біз мұндай нәрсені ешқашан, тіпті қатты аяз бен қатты дауыл кезінде де көрген емеспіз", — деді ол.
Әдетте өндірушілер мұздатылған апельсин шырынын жаңа дақылмен араластыру арқылы қиындықтарды жеңе алды. Бірақ үш жыл қатарынан жемістің аз жеткізілуі барлық қорларды сарпы еткен.
