Apple корпорациясы өзі сатып алған доменнің құрамындағы әлеуметтік желіні жабуға шешім қабылдаған, деп жазады reactor.inform.kz.
Корпорация iCloud.net доменін сатып алу үшін бес жыл күш салған.
Қазір сайтқа кіргенде iCloud.net желісінің осы ақпан айының соңына дейін жабылатыны туралы хабарлама шығып тұр. Әзірлеушілер желі қолданушыларына өз аккаунттарын жабу туралы хабарландырулар жіберіп жатыр.
Қытай әлеуметтік желісінің құрастырушысы Тонг Ли де бұған қатысты өз пікірін білдірді.
"Иә, біз iCloud.net желісін жауып, барлық ұсынылатын қызмет түрлерін тоқтатуға шешім қабылдадық. 2011 жылдан бері әлеуметтік қызмет көрсетіп келеміз. Енді iCloud.net өз миссиясын аяқтады"-дейді Ли.
2011 жылы Apple iCloud.com доменін 5,2 млн долларға сатып алған болатын.
