Америкалық Apple компаниясы электромобиль компоненттерін шығаратын Оңтүстік Корея фирмаларымен келіссөздер жүргізіп жатыр, деп хабарлайды Inbusiness.kz
"Korea Times" басылымына сілтеме жасап. Олар бірлесе электр қозғалтқыштары бар өзін-өзі басқаратын автомобильдер өндірісін қолға алмақ. Apple компаниясының өкілдері LG, SK және Hanwa сияқты жартылай өткізгіштер мен дисплейлермен айналысатын кореялық серіктестерімен келіссөздер жүргізген.
Apple өзі шығаратын электрокарларда литий-темір фосфатты аккумуляторларды қолдануы мүмкін. Бірақ АҚШ пен Қытай арасындағы сауда соғысына байланысты Apple бұл бөлшектерді кореялық өндірушілерден сатып алуы ықтимал.
Бұған дейін CNN арнасы Apple-дің Оңтүстік Кореяның Hyuindai Motor Company және Kia Motor брендтерімен бірлесе АҚШ-та өзін-өзі басқаратын электромобиль шығару туралы келіссөздер жүргізіп жатқанын жариялаған еді. Бірақ кейінірек тараптардың мәмілеге келмегені белгілі болды.
Табиғат Нұрболат
