/img/tv1.svg
RU KZ
Арабия түбегінің тағы бір елі Қазақстанға қаржы құймақ

Арабия түбегінің тағы бір елі Қазақстанға қаржы құймақ

Аса бай мемлекетке Қазақстаннан не қажет? Көздегені не?    

14 Ақпан 2020 22:23 644

 Арабия түбегінің тағы бір елі Қазақстанға қаржы құймақ

Тағы бір араб мемлекеті елімізге қаржы бермек, деп хабарлайды Atameken Business.   

Әңгіме Катар елі турасында. Әрине, бұл несие емес, бірлескен жобаларға тартылатын инвестиция болмақ. Катар билігі елдегі ең ірі банк Масраф Әл-раянның бөлімшесін Қазақстанда ашуға ниетті. Ал бізде шетелдік қаржы институтын құру үшін алғашқы капитал 10 млн доллар болуы шарт. Осы және өзге де мәселелер бүгін елордада талқыланды.

Елбасы Вячеслав Володинмен келіссөз өткізді

Кездесу барысында Елбасы Қазақстан мен Ресей Федерациясы арасындағы қатынастарды нығайту жөніндегі жұмыстың нәтижелері мен перспективаларына тоқталды.

23 Қыркүйек 2019 19:51 451

Нұрсұлтан Назарбаев РФ Мемлекеттік Думасының төрағасы Вячеслав Володинмен келіссөз өткізді, деп хабарлайды Елбасының баспасөз қызметі.

«Мемлекеттік Дума мен Парламент Мәжілісі тұтастай біздің елдеріміз сияқты достық байланыста. Біздің қатынастарымыз саясатта да, экономикалық салада да, сондай-ақ, мәдени-гуманитарлық ынтымақтастықта да үлгілі болып табылады. Біз әрі қарай да осы бағыттар бойынша жұмысты жалғастыра беретінімізге сенімдімін», – деді Қазақстанның Тұңғыш Президенті.

Өз кезегінде В.Володин Елбасының Қазақстан мен Ресей арасындағы мемлекетаралық қатынастарды орнатудағы және нығайтудағы маңызды рөлін атап өтті.

Сонымен қатар, РФ Мемлекеттік Думасының төрағасы алдағы парламенттік шараға дайындықтың жоғары деңгейін айта келе, парламентаралық байланыстарды нығайтудағы спикерлер кеңесінің өсіп келе жатқан рөліне назар аударды.

Елбасы Ли Чжаньшумен кездесті

ҚР Тұңғыш Президенті Нұрсұлтан Назарбаев ҚХР Бүкілқытайлық халық өкілдері жиналысы Тұрақты комитетінің төрағасы Ли Чжаньшумен кездесті.

23 Қыркүйек 2019 19:27 490

Кездесу барысында Нұрсұлтан Назарбаев Қазақстан мен Қытай Халық Республикасы арасындағы қатынастардың ерекше достық сипатын атап өтті, деп хабарлайды Елбасының баспасөз қзыметі.

­«Тәуелсіздік жылдарында біз Қытай Халық Республикасымен ең жақын достық қатынастар орнаттық. Біздің қатынастарымыз басқа елдер үшін тату көршіліктің үлгісі болып табылады. Төраға Си Цзиньпинмен ерекше қарым-қатынастамын және мен оны өте жоғары бағалаймын», – деді Елбасы.

Қазақстанның Тұңғыш Президенті мемлекетаралық қатынастарды нығайту ісінде Еуразия елдері парламенттері спикерлерінің IV кеңесінің ерекше маңыздылығын атап өтті.

Өз кезегінде Ли Чжаньшу Нұрсұлтан Назарбаевқа ҚХР Төрағасы Си Цзиньпиннің жылы лебіздерін жеткізді.

Сонымен қатар, БХӨЖ Тұрақты Комитетінің Төрағасы Қазақстан Президентімен, сондай-ақ ҚР Парламенті Сенаты мен Мәжілісінің спикерлерімен өткен келіссөздердің нәтижелеріне тоқталды.

«Біз жақсы келіссөздер жүргіздік. Нұрсұлтан Әбішұлы, Сіз бен Қытай басшылығы негізін қалаған Қытай мен Қазақстан арасындағы қатынастар жаңа жағдайларда одан әрі дами түсетіні туралы келісімге қол жеткізілді», –  деді Ли Чжаньшу.